ភ្នំពេញ៖ គណបក្សប្រជាជនដែលដឹកនាំរដ្ឋាភិបាលកម្ពុជាជាង៤៣ឆ្នាំមកនេះនៅតែស្ថិតក្នុងលំដាប់ទីមួយដែលមានប្រជាពលរដ្ឋគាំទ្រច្រើនជាងគេ។ នេះបើតាមទិន្នន័យបឋមដែល គ.ជ.ប កំពុងរាប់។
ក្នុងការប្រកាសលទ្ធផលបណ្ដោះអាសន្ននៃការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ នៅយប់ថ្ងៃអាទិត្យ ទី៥ ខែមិថុនានេះ គណបក្សប្រជាជនកម្ពុជាបានទទួលលទ្ធផលវ៉ាដាច់គណបក្សដទៃទៀតស្ទើរគ្រប់ឃុំ សង្កាត់ តាមពីក្រោយដោយគណបក្សភ្លើងទៀន។
គណបក្សប្រជាជនកម្ពុជាត្រូវបានបង្កើតឡើងនៅ ថ្ងៃទី២៨ ខែមិថុនា ឆ្នាំ១៩៥១ ដោយអ្នកជាតិនិយមកម្ពុជាដើម្បីរំដោះជាតិកម្ពុជាពីអាណានិគមបារាំង។ គឺជាគណបក្សដែលចំណាស់ជាងគេនៅកម្ពុជា ហើយបានដឹកនាំការតស៊ូរំដោះប្រជាជនកម្ពុជាពីរបបខ្មែរក្រហមនៅឆ្នាំ១៩៧៩ និងបានបន្តដឹកនាំរដ្ឋាភិបាលកម្ពុជារហូតបច្ចុប្បន្ន៕
